गेल्या काही काळात हॉटेल उद्योगात प्रचंड स्पर्धा निर्माण झालीये. त्यामुळे आता पदार्थांसोबतच विविध प्रकारचे प्रयोग हॉटेलांवर देखील केले जातायेत. कोणी विमानाची थीम असलेलं हॉटेल तयार केलंय तर कोणी रेल्वेच्या डब्यात रेस्तरॉ थाटलंय, कोणी तुरुंगात बसून जेवण्याचा फिल देतंय तर कोणी शेकडो फुट उंचीवर हवेत लटकून खाण्याचा थ्रिलिंग अनुभव देतोय. हे सगळं कमी होतं म्हणून की काय आता एक नवं हॉटेल समोर आलंय. या हॉटेलमध्ये तुमच्या आसपास मासे असतात. तुम्ही खुर्चीखाली पाय ठेवताच तुमच्या पायावर मासे येऊन उभे राहतील. कारण हे हॉटेल चक्क एक्वेरियम थीमवर तयार करण्यात आलंय. असं हॉटेल खरंच तुम्ही स्वप्नातही कधी पाहिलं नसेल.

हे अनोखं हॉटेल थायलंडमध्ये आहे. या हॉटेलमध्ये फरशी नाही. कारण फरशीवर चक्क मासे पोहताना दिसतात. परिणामी तुम्ही एखाद्या भल्यामोठ्या फिशटँकमध्ये बसून जेवताय की काय? असं वाटतं.

Please click here to Watch this Video or photo on X (twitter)

या अनोख्या हॉटेलचा व्हिडीओ @gunsnrosesgirl3 या ट्विटर अकाउंटवरून शेअर करण्यात आला आहे. या व्हिडीओमध्ये तुम्ही जमिनीवर पोहणारे मासे पाहू शकता. हा व्हिडीओ आतापर्यंत कोटींपेक्षा अधिक नेटकऱ्यांनी पाहिला असून अनेकांनी त्यावर विविध प्रकारच्या गंमतीशीर प्रतिक्रिया दिल्या आहेत. असो, जर तुम्हाला संधी मिळाली तर तुम्हाला या हॉटेलमध्ये जायला आवडेल का? आपल्या गंमतीशीर प्रतिक्रिया कमेंट सेक्शनमध्ये नक्की द्या.