बेळगाव—belgavkar—belgaum
विद्यार्थ्यांमध्ये व्यासपीठावर आत्मविश्वासाने बोलण्याची क्षमता विकसित व्हावी, वक्तृत्वकलेला वाव मिळावा आणि विचार प्रभावीपणे मांडण्याचे कौशल्य विकसित व्हावे, या उद्देशाने महाराष्ट्र एकीकरण युवा समिती, बेळगाव आणि राज्य मराठी विकास संस्था, मुंबई यांच्या संयुक्त विद्यमाने अभिजात मराठी भाषा सप्ताहानिमित्त वक्तृत्व स्पर्धेचे आयोजन करण्यात आले आहे.
टिळकवाडी येथील वरेरकर नाट्य मंदिरात रविवारी (ता. 11) स्पर्धा होणार आहे.
प्राथमिक, माध्यमिक आणि महाविद्यालयीन अशा तीन गटांत स्पर्धा घेण्यात येणार आहे. प्राथमिक गटातील चौथी ते सातवीच्या विद्यार्थ्यांसाठी 'मोबाईल गेम की मैदानी खेळ', 'माझी प्रेरणा : छत्रपती शिवाजी महाराज', 'मी शिक्षणमंत्री झालो झाले तर' आणि 'मातृभाषेतून शिक्षण : काळाची गरज' हे विषय आहेत.
माध्यमिक गटातील आठवी ते दहावीच्या विद्यार्थ्यांसाठी 'स्मार्ट फोन : मानवाचा सेवक की मालक', 'शेतीआणि शेतकऱ्यांपुढील आव्हाने', 'मराठी भाषा टिकविण्यासाठी माझे योगदान' आणि 'पर्यावरण संवर्धन : आजची गरज, उद्याची जबाबदारी' हे विषय देण्यात आले आहेत.
महाविद्यालयीन गटातील अकरावी ते पदव्युत्तर विद्यार्थ्यांसाठी 'कृत्रिम बुद्धिमत्ता : काळाची गरज की, भविष्यातील धोका', 'जेन-झी आंदोलन : नव्या काळातील क्रांती', 'मराठी भाषा संवर्धन : युवकांची भूमिका' आणि 'डिजिटल भारत : संधी, आव्हाने आणि भविष्य' हे विषय आहेत. प्रत्येक गटातील स्पर्धकांनी दिलेल्या चार विषयांपैकी एका विषयाची निवड करुन वक्तृत्व सादर करायचे आहे. विजेत्यांना रोख रक्कम, मानचिन्ह आणि प्रमाणपत्र देऊन गौरविण्यात येणार आहे.
स्पर्धेसाठी नावनोंदणीची अंतिम मुदत 10 ऑक्टोबर आहे. इच्छुक विद्यार्थ्यांनी युवा समिती कार्यालय, टिळकवाडी येथे किंवा युवा समितीच्या पदाधिकाऱ्यांशी संपर्क साधून नाव नोंदणी करावी, असे आवाहन आयोजकांनी केले आहे.
इच्छुक स्पर्धकांनी शनिवार, दिनांक 10 ऑक्टोबर 2026 पर्यंत युवा समिती कार्यालय, टिळकवाडी, बेळगाव येथे किंवा खालील पदाधिकाऱ्यांशी संपर्क साधून नावनोंदणी करणे आवश्यक आहे.
(प्रत्येक गटासाठी पहिल्या 30 स्पर्धकांनाच प्रवेश असेल, याची नोंद घ्यावी. )
श्रीकांत कदम - 7019668025
प्रतीक पाटील - 7338145673
आशिष कोचेरी - 9886103373
अधिक माहितीसाठी संपर्क -
अध्यक्ष - अंकुश केसरकर - 9739963229
महाराष्ट्र एकीकरण युवा समिती, बेळगाव
