बेळगाव—belgavkar—belgaum
दीपावली सणानिमित्त भारतीय जनता पार्टी बेळगाव ग्रामीण व बेळगाव महानगर विधानसभा क्षेत्रामधील सर्व हिंदू बांधवांना दिवाळी अभ्यंगस्नानासाठी सुगंधी उटण्याची 25,000 पाकिटे मोफत वितरण करण्याचा स्तुत्य उपक्रम आज गुरुवार सकाळी राबविण्यात आला.
दीपावली हा हिंदुंचा सर्वात मोठा सण... अंधारातून प्रकाशाकडे नेणारा सण आहे. हा सण अभ्यंग स्नानाशिवाय पूर्ण होऊ शकत नाही आणि म्हणूनच अभ्यंग स्नानासाठी सुगंधी उटणे हे लागतेच. घरातील माता-भगिनींनी खोबरेल तेलामध्ये किंवा सुगंधी तेलामध्ये मिक्स करुन बनववेले उटणे घरातील सर्व सदस्य लावून घेवून अभ्यंग स्नान करतात.
उटण्याचे हे महत्त्व ओळखून भारतीय जनता पार्टी बेळगाव ग्रामीण व बेळगाव महानगर विधानसभा क्षेत्रामधील हिंदू बांधवांना गुरुवार सकाळी सुगंधी उटण्याची 25000 पाकिटे मोफत वितरीत करण्यात आली. तसेच सर्वांना दीपावलीच्या हार्दिक शुभेच्छा देण्यात आल्या. भाजपा बेळगाव ग्रामीणचे नेते धनंजय जाधव यांच्या नेतृत्वाखाली हा उपक्रम राबविण्यात आला.
#दीपावली #हार्दिक #शुभेच्छा #diwali2025
