बेळगाव—belgavkar—belgaumfake marks cards for SSLC and PUCdistance education academy, with branches in Bengaluru, Dharwad and Belgaum
@कर्नाटक : बंगळूर दहावी आणि बारावीची गुणपत्रिका अधिकृत असल्याचा दावा करून बनावट गुणपत्रिका दिल्या जात होत्या. याप्रकरणी सीसीबी पोलिसांनी फसवणूक करणाऱ्या तिघांना अटक केली आहे. प्रशांत गुंडुमी (वय 41 रा. चैतन्य नगर, धारवाड), मोनिष (26, रा. बनशंकरीमधील श्रीनिवास नगर) आणि राजशेखर एच. (41, रा. लक्ष्मेश्वर, गदग) अशी अटक केलेल्या संशयितांची नावे आहेत. या प्रकरणातील बेळगाव येथील एकजण बेपत्ता असून त्याचा शोध सुरु आहे.
पैसे कमविण्याच्या हेतूने दहावी, बारावीसाठी विद्यार्थ्यांना गुणपत्रिका अधिकृत असल्याचा दावा करून बनावट गुणपत्रिका दिल्या जात होत्या. आमची (education academy : ‘Karnataka State Middle and Higher Educational Board’) मान्यताप्राप्त संस्था आहे, असे भासवून त्यांच्याकडून प्रत्येकी 5000 ते 10000 रुपये आकारण्यात येत असल्याची माहिती पोलिस तपासात उघडकीस आली आहे. संशयितांकडे 350 हून अधिक बनावट गुणपत्रिका आढळल्या आहेत. बनशंकरी येथील एका अॅकॅडमीच्या संचालकाला आणि धारवाडमधील दोन फसवणूक करणाऱ्यांना अटक करण्यात आली आहे. त्यांची अधिक चौकशी केली जात आहे.
काही लोकांनी परिवहन खाते आणि बालविकास खात्याला बनावट गुणपत्रिका पुरवून नोकऱ्या मिळविल्याचे पोलिस तपासात उघड झाले आहे. एका व्यक्तीने अॅकॅडमीच्या संचालकांना भेटून त्याच्या भावाच्या मुलाला दूरस्थ शिक्षणाद्वारे पीयूसीमध्ये प्रवेश मिळवून दिला. प्रवेश घेतल्यानंतर काही दिवसांतच त्याला कर्नाटक राज्य माध्यमिक आणि उच्च शिक्षण मंडळाच्या नावाने गुणपत्रिका देण्यात आली. कोणतीही परीक्षा न देता ही गुणपत्रिका दिली. जेव्हा त्यांनी गुणपत्रिका तपासली तेव्हा ती बनावट गुणपत्रिका असल्याचे आढळून आले. त्यांनी ताबडतोब सीसीबीच्या आर्थिक गुन्हे शाखेकडे तक्रार दाखल केली. गुन्हा दाखल करून तपास करणाऱ्या सीसीबी पोलिसांनी बनशंकरी येथील अॅकॅडमीवर छापा टाकून संचालकाला ताब्यात घेतले.
कर्नाटक राज्य माध्यमिक आणि उच्च माध्यमिक शिक्षण मंडळाच्या नावाने 25 हून अधिक विद्यार्थ्यांना गुणपत्रिका दिल्या आहेत. संशयितांची अधिक चौकशी केल्यानंतर त्यांच्याकडून कागदपत्रे जप्त करण्यात आली असून पुढील तपास सुरु आहे.
