बेळगाव—belgavkar—belgaum : बेंगळूर येथील छत्रपती शिवाजी महाराजांच्या मूर्तीचा अवमान करण्यात आला. त्याचे पडसाद सीमाभागामध्येही उमटले. येथील म. ए. समिती आणि हिंदुत्ववादी संघटनेच्या कार्यकर्त्यांनी त्या घटनेचा निषेध नोंदविला होता. याप्रकरणी विविध पोलीस स्थानकांमध्ये गुन्हे दाखल करण्यात आले. मार्केट पोलीस स्थानकामध्ये दाखल करण्यात आलेल्या गुन्ह्याप्रकरणी उच्च न्यायालयामध्ये ते गुन्हे रद्द करण्याबाबत दाद मागितली होती. त्याठिकाणी न्यायालयाने 40 कार्यकर्त्यांवरील तो गुन्हा रद्द केल्याने मोठा दिलासा मिळाला आहे.
मार्केट पोलिसांनी बळवंत शिंदोळकर, नरेश निलजकर, मेघराज गुरव, विनायक सुतार, सुनील लोहार, नागेश काशिलकर, रोहित माळवी, शुभम सुतार, शुभम बांदेकर, सागर केरवाडकर, विनायक सुतार, श्रेयस खटावकर, गजानन जाधव, विनायक कोकितकर, दयानंद बडचकर, सूरज गायकवाड, राहुल बार्ली, गौरंग गेंजी, रत्नप्रसाद पवार, सरिता पाटील, लोकेश रजपूत, सुदेश लाटी, राहुल सावंत, सिद्धू गेंजी, विकी मंडोळकर, सूरज शिंदोळकर, भालचंद्र बडचकर, विनायक हुजली, हरिश मुतगेकर, भारत मेसी, बगेश नंद्याळकर, हार्तिक पाटील, राजेंद्र बैलूर, विश्वनाथ गोटाडकी यांच्यावर गुन्हा दाखल केला होता.
याप्रकरणी उच्च न्यायालयात दाद मागितली होती. तेथे अॅड. राम घोरपडे, अॅड. पल्लवी पालेकर यांनी या सर्वांतर्फे युक्तीवाद केला. न्यायालयाने सर्वांची बाजू उचलून धरत खटल्यातून वगळले. यामुळे पोलिसांना दणका बसला आहे तर सर्व कार्यकर्त्यांना दिलासा मिळाला आहे.
