Realtor kidnapped for ₹5 crore ransom in Belgaum | Kidnapped realtor rescued बेळगाव—belgavkar—belgaum : राजापूर (ता. मुडलगी) येथील एका रियल इस्टेट व्यावसायिकाचे अपहरण करण्यात आले होते. बसवराज निलप्पा अंबी (वय 48, रा. राजापूर, ता. मुडलगी) असे अपहरण झालेल्या रियल इस्टेट व्यावसायिकाचे नाव आहे. अपहरणकर्त्यांनी त्याच्या सुटकेसाठी 5 कोटी रु. खंडणी मागितली होती. यासंबंधी घटप्रभा पोलीस स्थानकात एफआयआर दाखल केला होता. दोन आठवड्यानंतर आता करोडपती होण्याचे स्वप्न पाहणाऱ्या सावकाराच्या जवळची सहकारी असलेल्या मंजुळा नामक महिलेला तुरुंगात टाकण्यात आले आहे.
QR Code डाउनलोड करा आणि पेमेंट करा
Download QR Code
रिअल इस्टेट व्यावसायिक अपहरण प्रकरणात सार्वजनिक बांधकाम मंत्री सतीश जारकीहोळी यांच्या जवळच्या सहकाऱ्याचे नाव समोर आले आहे. अपहरण प्रकरणातील सूत्रधार मंजुळा रामगनट्टी ला अटक झाली आहे. मंजुळा रामगनट्टी ही गोकाक तालुक्यातील कोण्णूर शहरातील रहिवासी आहे. घटनेनंतर बेपत्ता झालेली मंजुळा या क्राँग्रेस पक्षातील महिलेला घटप्रभा पोलिसांनी शोधून काढली आहे.
गोकाक तालुक्यातील कोण्णूर गावातील मंजुळा रामनगट्टी नावाची महिला आपण काँग्रेस कार्यकर्ता असल्याचे सांगत आहे. जिल्हा पालकमंत्र्यांसोबत काढण्यात आलेले आपले फोटो दाखवून त्यांच्याशी सख्य असल्याचे सांगत आहे. मात्र, सदर महिला पक्षाची कार्यकर्ता नसून महिलेचा काँग्रेस पक्षाशी कोणताच संबंध नाही, असे स्पष्टीकरण जिल्हा महिला काँग्रेसच्या अध्यक्ष कल्पना जोशी यांनी दिले आहे. राजापूर (ता. गोकाक) येथील उद्योजक बसवराज अंबी यांच्या अपहरण प्रकरणात संबंधित महिलेचा सहभाग असल्याचे सांगण्यात येत आहे. मात्र, या महिलेचा काँग्रेस पक्षाशी कोणताच संबंध नसून, ती पक्षाची कार्यकर्ता नाही, असे स्पष्टीकरण जोशी यांनी पत्रकाद्वारे दिले आहे.
पक्षाचे जिल्हाध्यक्ष विनय नवलगट्टी यांनीही याबाबत स्पष्टीकरण देताना, अपहरण प्रकरणात या महिलेचे सहभाग असल्याचे सांगण्यात येत असून सदर महिला आपण काँग्रेसची पदाधिकारी आणि कार्यकर्ता असल्याचे सांगत आहे. मंत्र्यांसोबतचे छायाचित्र दाखवून आपले मंत्र्याशी सख्य असल्याचे सांगत असून याबाबत प्रसारमाध्यमात बातम्या प्रसिद्ध होत आहेत. जिल्हा पालकमंत्री आणि अन्य मंत्र्यांसोबत दररोज अनेकजण सेल्फी किंवा छायाचित्र काढून घेत असतात. मात्र, त्या आधारे आपण पदाधिकारी असल्याचे सांगून काहीजण अशी गैरकृत्ये करून स्वतःला वाचविण्याचा प्रयत्न करतात. मात्र, या महिलेशी काँग्रेस पक्षाचा कोणताही संबंध नसल्याचे नावलगट्टी यांनी म्हटले आहे
मंजुळासह आणखी 3 जणांना अटकपरशुराम कांबळे (32, रा. जमखंडी) व यल्लेश वालीकर (28, रा. यमकनमर्डी, ता. हुक्केरी) या दोघांनाही रविवारी उशिरा अटक करण्यात आली. बसवराज अंबी यांच्या अपहरण प्रकरणात अटक झालेल्यांची संख्या 7 झाली आहे. मंत्री सतीश जारकीहोळी यांच्या जवळच्या असल्याने मंजुळा यांना ओळखले जाते. मंजुळा, जिने तिचा मुलगा ईश्वर रामगनट्टीच्या माध्यमातून एका व्यावसायिकाचे अपहरण केले होते, ती आता तुरुंगात आहे. फेब्रुवारीला दंडापूर क्रॉसजवळ बसवराज यांचे चित्रपटीय पद्धतीने अपहरण करण्यात आले.
गेल्या महिन्यातील घटनाक्रम : अपहरणकर्त्यांचा शोध घेण्यासाठी 3 पथके कार्यरत होती - जिल्हा पोलीसप्रमुख डॉ. भीमाशंकर गुळेदसुरुवातीला पोलिसांनी 4 जणांना अटक केली आणि रिअल इस्टेट व्यावसायिकाची सुटका केली आहे ज्याचे 5 कोटी रुपयांच्या खंडणीसाठी अपहरण करण्यात आले होते. पोलीस अधीक्षक गुळेद म्हणाले की, रिअल इस्टेट व्यावसायिक बसवराज यांना निपाणीच्या बाहेर ठेवण्यात आले आहे आणि घटप्रभा आणि निपाणी पोलिसांच्या पथकांनी 4 अपहरणकर्त्यांना अटक केली. अटक करण्यात आलेल्यांची नांवे ईश्वर रामगनट्टी, सचिन कांबळे, रमेश कांबळे आणि राघवेंद्र मारापुरा अशी आहेत. एसपी म्हणाले की, ईश्वर रामगनट्टी आणि इतरांना रिअल इस्टेट व्यावसायिक बसवराज काही बेकायदेशीर कृत्यात सहभागी असल्याची माहिती होती.
म्हणूनच, त्यांनी त्याचे खंडणीसाठी अपहरण करण्याचा निर्णय घेतला, कारण ते पोलिसांनाही याबद्दल सांगणार नाही असे गृहीत धरले. बसवराजचा मुलगा ₹ 10 लाख रुपये रोख घेऊन नियुक्त केलेल्या ठिकाणी गेला होता, तेव्हा अपहरणकर्त्यांनी त्याच्यासोबत इतरांना असल्याचे पाहिले आणि ते घटनास्थळावरून पळून गेले. नंतर त्यांनी कुटुंबाला पुन्हा एकदा धमकीचा फोन केला. एसपी म्हणाले की, प्राथमिक तपासानुसार, आरोपी आणि रिअल इस्टेट व्यावसायिक एकमेकांना ओळखत नव्हते. 'बसवराजच्या पत्नीकडून तक्रार मिळाल्यानंतर 24 तासांत अपहरणकर्त्यांना अटक करण्यात आली', असेही त्यांनी सांगितले.
अधिक माहिती : बसवराजची पत्नी शोभा यांनी मंगळवार दि. 18 फेब्रुवारी रोजी घटप्रभा पोलीस स्थानकात अज्ञाताविरुद्ध फिर्याद दिली. घटनेनंतर 5 दिवसांनी एफआयआर दाखल केला. जिल्हा पोलीसप्रमुखांनी दिलेल्या माहितीनुसार शुक्रवार दि. 14 फेब्रुवारी रोजी रात्री 11 वाजता ही घटना घडली. बसवराज हे कार दुरुस्तीसाठी सांगलीला गेले होते. 14 फेब्रुवारी रोजी रात्री शिरगुप्पीजवळील एका ढाब्यावर जेवण घेऊन राजापूरला जाताना दंडापूरजवळ कार अडवून त्यांचे अपहरण करण्यात आले आहे. अपहरणानंतर दुसऱ्या दिवशी सकाळी बसवराजच्या मोबाईलवरून त्यांच्या पत्नीला एक कॉल आला. स्वतः बसवराजनी आपले अपहरण झाले आहे, अपहरणकर्ते 5 कोटी रुपये मागत आहेत, माझी सुटका करून घ्या, असे सांगितले. लगेच दुसऱ्या दिवशी 15 रोजी बसवराजच्या मुलाने सुमारे 10 लाख रुपये असलेली एक बॅग घेऊन अपहरणकर्त्यांनी निपाणीजवळील ज्याठिकाणी पैसे देण्यास सांगितले होते त्या ठिकाणावर पोहोचला. पैसे घेण्यासाठी अपहरणकर्ते मात्र तेथे पोहोचले नाहीत. त्या दिवशी रात्री पुन्हा फोन आला. पैसे घेऊन आम्ही एकट्याला यायला सांगितले होते. तुम्ही सोबत इतरांना का आणला? अशी विचारणा केली. दुसऱ्या दिवशी पुन्हा बोलावण्यात आले. पूर्णपणे पैसे पोहोचले नाहीत तर बसवराजचा खून करू, अशी धमकीही अपहरणकर्त्यांनी दिली.
