belgavkar — बेळगाव

बेळगाव—belgavkar—belgaum : कीटकनाशक औषध प्राशन केलेल्या बेळगुंदीच्या दाम्पत्यापैकी पत्नीचा गुरुवारी उपचारांदरम्यान मृत्यू झाला. लक्ष्मी दिलीप बोकडे (वय 25) असे विवाहितेचे नाव आहे. पती दिलीप याच्यावरही उपचार सुरु असून, त्याच्या प्रकृतीत सुधारणा असल्याचे समजते. दिलीपचा पोल्ट्री व्यवसाय आहे.

गेल्या काही दिवसांपासून हे दाम्पत्य तणावाखाली होते. दोघांनी 17 फेब्रुवारी रोजी कीटकनाशक प्राशन केले होते. त्यांना उपचारासाठी जिल्हा रुग्णालयात दाखल करण्यात आले. मात्र लक्ष्मीची प्रकृती गंभीर बनल्याने तिला उपचारासाठी केएलई रुग्णालयात दाखल करण्यात आले होते.

मात्र उपचाराचा उपयोग न झाल्याने तिचा मृत्यू झाला आहे. बेळगाव ग्रामीण पोलिस स्थानकात घटनेची नोंद झाली आहे. सध्या पती दिलीप याची प्रकृती बरी असल्याचे सांगण्यात आले असून पोलिस पुढील तपास करत आहेत.