बेळगाव—belgavkar : रायबाग तालुक्यातील कुडची पोलिस स्थानकाच्या हद्दीत चोरी करण्यात आलेल्या 8 पंपसेट्ससह दोघांना अटक करण्यात पोलिसांना यश आले आहे. आरोपींकडून दोन लाखाहून अधिक किमतीचे पंपसेट्स जप्त करण्यात आले आहेत. शेतकऱ्यांचे पंपसेट्स चोरीला गेल्याच्या तक्रारीवरून पोलिसांनी तपास केला असता ही कारवाई करण्यात आले.

सोमवारी पहाटेच्या सुमारास शहरातील रेल्वे गेटच्याजवळ संशयास्पदरीत्या फिरणाऱ्या दोन संशयितांना मोटारसायकल व पंपसेट्सह ताब्यात घेण्यात आले. कुडची, मायाक्का चिंचली, मोरब या गावात पंपसेट्स चोरी करून विक्री करण्यासाठी लपवून ठेवल्याची कबुली त्यांनी दिली. त्यांच्याकडून 2.05 लाख रुपये किमतीचे आठ पंपसेट्स व चोरीसाठी वापरलेल्या दोन मोटारसायकली जप्त करण्यात आल्या आहेत. अटक करण्यात आलेल्या संशयितांना न्यायालयीन कोठडी सुनावण्यात आली आहे.