Union Budget 2025 : New Income Tax Bill to be introduced next week - FM Nirmala Sitharamanजुन्या कर प्रणालीतील करदात्यांना कोणतीही सूट नाही. टॅक्स स्लॅबमध्ये बदल नाही..पगारदार लोकांसाठी 12.75 लाख रुपयांच्या उत्पन्नावर कोणताही कर नाही12 लाख रुपयांपर्यंतचे उत्पन्न असलेल्या करदात्यांचा कर माफ करण्याची घोषणा करून अर्थमंत्री निर्मला सीतारमण यांनी करोडो करदात्यांना अनपेक्षित असा सुखद धक्का दिला आहे. परंतू, ही करमाफी केवळ नवीन कर प्रणाली निवडणाऱ्यांना (New Tax Regime Updates 2025) लागू होणार आहे. जुनी कर प्रणाली निवडलेल्या करदात्यांना यंदाच्या अर्थसंकल्पातून काहीही मिळालेले नाही.
QR Code डाउनलोड करा आणि पेमेंट करा
Download QR Code
नवीन कर प्रणालीमध्ये 12 लाख रुपयांपर्यंतच्या वार्षिक उत्पन्नावर आयकर द्यावा लागणार नाही. नवीन कर प्रणालीकडे बहुतांश करदात्यांनी पाठ फिरविली होती. आधीपासूनच म्युच्युअल फंड, इन्शुरन्स, घरावरील कर्ज आदी गोष्टींमुळे लाभ मिळत असल्याने या करदात्यांनी जुनी टॅक्स सिस्टिमच ठेवली होती. हे करदाते जुन्या प्रणालीवरून नवीन कर प्रणालीवर येण्यासाठी सीतारामण यांनी नवीन खेळी खेळली आहे. यामुळे आता बऱ्याच करदात्यांना जुन्या कर प्रणालीवरून नवीन कर प्रणालीकडे जाण्यासाठी भाग पाडले जाणार आहे. जुन्या कर प्रणालीतील करदात्यांना कोणतीही सूट देण्यात आलेली नाही. त्यांच्या टॅक्स स्लॅबमध्ये देखील कोणताही बदल करण्यात आलेला नाही.
2,50,000 रुपयांपर्यंतच्या वार्षिक उत्पन्नावर शून्य आयकर भरावा लागणार आगहे. तर 2,50,001 ते 5,00,000 रुपयांदरम्यान - 5% टक्के, 5,00,001 ते 10,00,000 उत्पन्न असलेल्यांना 20% व 10,00,000 पेक्षा जास्त उत्पन्न असलेल्यांना 30% कर भरावा लागणार आहे. नव्या कर प्रणालीचा लाभ घेण्यासाठी आता कर दात्यांना स्विच व्हावेच लागणार आहे.
कसा आहे नवा स्लॅब... New Tax Regime (NTR) following are the revised tax slabs
0 ते 4 लाखांपर्यंत - काहीही कर नाही
4 लाख ते 8 लाखांपर्यंत - 5 टक्के
8 लाख ते 12 लाख - 10 टक्के
12 लाख ते 16 लाख - 15 टक्के
16 ते 20 लाख - 20 टक्के
20 लाख ते 24 लाख - 25 टक्के
24 लाखांच्या वर - 30 टक्के
सगळ्या सूट वापरले तर 12 लाखांपर्यंत आयकर लागणार नाही. कोणत्याही सूट वापरले नाही तर 5 टक्के टॅक्स लागेल. घर, विमा, गुंतवणूक लिमिट वापरले तरच तुम्हाला टॅक्स भरावा लागणार नाही. तसंच, हे बजेट ग्राहकाच्या बाजूनं असणार आहे. मॅन्युफॅक्चरिंग सेक्टरला या बजेटमुळे बूस्ट मिळेल.
पगारदार लोकांसाठी 12.75 लाख रुपयांच्या उत्पन्नावर कोणताही कर लागणार नाही. नवीन कर स्लॅबची घोषणा करताना अर्थमंत्र्यांनी सांगितले की, यामुळे मध्यमवर्ग आणि देशाची अर्थव्यवस्था मजबूत होईल. आम्ही मध्यमवर्गीयांवरील कर कमी केले आहेत आणि मला हे सांगण्यास आनंद होत आहे की आता 12 लाख रुपयांपर्यंतच्या उत्पन्नावर कोणताही कर लागणार नाही.
