बेळगाव : आशिया करंडक हॉकी स्पर्धेत सर्वाधिक 4 वेळा जिंकण्याचा पराक्रम भारतीय संघाने केला. त्याचबरोबर मलेशियात होणाऱ्या ज्युनियर विश्वकरंडक हॉकी स्पर्धेसाठी पात्रताही मिळवली. या शानदार यशाचे कौतुक हॉकी बेळगावतर्फे करण्यात आले. हॉकी बेळगावतर्फे विजयोत्सव धर्मवीर संभाजी चौकात मिठाई व फटाके फोडून विजयोत्सव साजरा करण्यात आला. मिठाई व फटाके हॉकी बेळगांवचे सदस्य माजी महापौर संजय शिंदे व सुरेश पोटे यांनी पुरस्कृत केले होते.
प्रारंभी प्रकाश कालकुंद्रीकर यांनी विजयोत्सवाची माहिती दिली तर सचीव सुधाकर चाळके यांनी आँलिंपिकवीर बंडू पाटील यांच्या तैलचित्राला पुष्पहार अर्पण केला. हॉकीपटू मुला-मुलींनी उपस्थितांना मिठाईचे वाटप केले. यावेळी उपाध्यक्ष पूजा जाधव, विनोद पाटील, मनोहर पाटील, उत्तम शिंदे, नामदेव सावंत, विकास कलघटगी, गणपत गावडे, उत्तम शिंदे, शिवाजी जाधव, आदी उपस्थित होते.