सध्या प्रत्येक चित्रपट आला कि अभिनेत्यांच्या मानधनाची चर्चा होते. प्रत्येक चित्रपटागणिक कलाकारांचं मानधन वाढत जातं. आजवर बॉलिवूडचे सुपरस्टार्स सर्वात जास्त मानधन घेत होते. पण शाहरुख खान अन् सलमान खानला मागे टाकत साऊथच्या एका प्रसिद्ध अभिनेत्याने सर्वाधिक मानधन घेण्याचा रेकॉर्ड केला आहे. थलपथी विजय हा साऊथचा सर्वात मोठा सुपरस्टार आहे. बॉक्स ऑफिस कलेक्शन, सोशल मीडिया फॉलोअर्स किंवा मोबदला या प्रत्येक बाबतीत अभिनेते नवीन बेंचमार्क सेट करतात. बातमीनुसार, Thalapathy Vijay आता देशातील सर्वाधिक मानधन घेणारा अभिनेता बनला आहे.

लिओ नंतरच्या त्याच्या पुढच्या चित्रपटासाठी थलपथी विजय वेंकट प्रभूसोबत काम करत असल्याची माहिती आहे. वृत्तांवर विश्वास ठेवला तर त्याला या चित्रपटासाठी 200 कोटी रुपयांचे भरघोस मानधन ऑफर करण्यात आले आहे. AGS Entertainment च्या निर्मात्यांच्या वतीने, मास्टर फेम स्टारला चित्रपट साइन करण्यासाठी मोठ्या रकमेची ऑफर देण्यात आली आहे. विजयने यापूर्वी अ‍ॅटलीसोबत 2019 मध्ये विजयचा ब्लॉकबस्टर चित्रपट बिगिल तयार केला होता. 300 कोटींचा व्यवसाय करणाऱ्या बिगिलसाठी विजयला 50 कोटी रुपये फी मिळाली होती. आता तो त्याच एजीएस एंटरटेनमेंट प्रोडक्शन कंपनीच्या बॅनरखाली बनवलेल्या चित्रपटासाठी 200 कोटी रुपये आकारत आहेत. या वृत्ताला अद्याप दुजोरा मिळाला नसला तरी सोशल मीडियावर त्याच्या मानधनाची चर्चा सुरू आहे.

विजयाला याआधी त्याची ब्लॉकबस्टर फिल्म मास्टरसाठी 80 कोटी रुपये मानधन दिले गेले. आता त्याने अचानक संपूर्ण भारतात येणाऱ्या चित्रपटांसाठी त्याची फी दुप्पट केली आहे. अहवालांवर विश्वास ठेवला तर, थलपथी विजय हा सर्वाधिक मानधन घेतलेल्या अभिनेत्यांच्या एलिट क्लबमध्ये सामील होणारा एकमेव भारतीय अभिनेता ठरला आहे.