बेळगाव : शहर महाराष्ट्र एकीकरण समितीची महत्त्वाची बैठक मंगळवारी सायं. 5 वाजता रेल्वे ओव्हरब्रिज येथील मराठा मंदिर येथे होणार आहे. विधानसभा निवडणुकीसाठी बेळगाव उत्तरमधून अ‍ॅड. अमर येळ्ळूरकर व दक्षिणमधून रमाकांत कोंडुस्कर यांना उमेदवारी देण्यात आली आहे. निवडणुकीची पुढील रणनीती ठरविण्यासाठी बैठकीचे आयोजन करण्यात आले आहे. यावेळी सर्व आजी-माजी नगरसेवक, पदाधिकारी, कार्यकर्त्यांनी उपस्थित राहावे, असे आवाहन करण्यात आले आहे.

तालुका म. ए. समितीची बैठक मंगळवारी सकाळी 11 वाजता मध्यवर्ती कार्यालय सदाशिवनगर (लक्ष्मी कॉम्प्लेक्सच्या मागे) येथे आयोजित केली आहे. म. ए. समितीच्यावतीने बेळगाव ग्रामीणसाठी आर. एम. चौगुले यांची अधिकृत उमेदवार म्हणून निवड केली आहे. निवडणूक प्रचार तसेच पुढील रणनीती ठरविण्यासाठी मंगळवारच्या बैठकीत सविस्तर चर्चा करण्यात येणार आहे. या बैठकीला सर्व आजी-माजी जिल्हा पंचायत, तालुका पंचायत, ग्राम पंचायत सदस्य, महिला आणि युवा संघटना व इतर सर्व कार्यकर्त्यांनी मोठ्या संख्येने उपस्थित रहावे, असे सरचिटणीस अ‍ॅड. एम. जी. पाटील यांनी कळविले आहे.