बेळगाव : वाघवडे - संतीबस्तवाड रोडवर झालेल्या अपघातातील बेळगुंदी येथील जखमीचा मृत्यू झाला आहे. अपघातात दोघे दुचाकीस्वार गंभीर जखमी झाल्याची घटना मंगळवारी (23 फेब्रुवारी) सायंकाळी घडली होती. नरेश पांडुरंग पाऊसकर (वय 33, रा. कलमेश्वर गल्ली, बेळगुंदी) आणि पिराजी मल्लाप्पा चिरमुरकर (38) हे दोघेही जखमी झाले होते.
हे दोघे युवक वाघवडे येथून बेळगुंदीकडे निघाले होते. त्यावेळी एका अज्ञात बसने त्यांच्या दुचाकीला धडक दिली. त्यामुळे ते दोघे जण गंभीर जखमी झाले. दोघांनाही उपचारासाठी खासगी हॉस्पिटलमध्ये दाखल करण्यात आले होते. दरम्यान, उपचारावेळी नरेश या जखमी तरुणाचा मृत्यू झाला आहे.
