बेळगाव : वाघवडे रोड संतीबस्तवाडजवळ झालेल्या अपघातात बेळगुंदी येथील दोघे दुचाकीस्वार युवक जखमी झाल्याची घटना मंगळवारी (23 फेब्रुवारी) सायंकाळी घडली आहे. नरेश पांडुरंग पाऊसकर (वय 33, रा. कलमेश्वर गल्ली, बेळगुंदी) आणि पिराजी मल्लाप्पा चिरमुरकर (38) अशी जखमींची नावे आहेत.
हे दोघे युवक वाघवडे येथून बेळगुंदीकडे निघाले होते. त्यावेळी एका अज्ञात बसने त्यांच्या दुचाकीला धडक दिली. त्यामुळे ते दोघे जण गंभीर जखमी झाले आहेत. दोघांनाही उपचारासाठी खासगी हॉस्पिटलमध्ये दाखल करण्यात आले होते. दरम्यान, उपचारावेळी नरेश या जखमी तरुणाचा मृत्यू झाला आहे.