बेळगाव—belgavkar—belgaum : खानापूर तालुक्यातील करंबळ येथील प्रशांत नागेश घाडी (वय 25) याचा गोवा येथे अपघाती मृत्यू झाला. याबाबत माहिती अशी, गोवा येथील तिस्क उसगाव ते खांडेपार महामार्गा दरम्यान खुरसाकडे येथे मंगळवारी सायंकाळी चारच्या सुमारास एक मोटार आणि दोन दुचाकींच्या अपघात झाला.
यात कसलये-तिस्क, उसगाव येथील प्रशांत घाडी (मूळ करंबळ) हा दुचाकीस्वार गंभीर जखमी झाला होता. जखमी प्रशांत याला गोमेकॉत पाठवले होते. मात्र उपचारादरम्यान त्याचा मृत्यू झाला. फोंडा पोलिसांनी पंचनामा केला. पुढील तपास सुरू आहे. त्याचा मागे आई, वडील, भाऊ असा परिवार आहे