बेळगाव—belgavkar—belgaum : कर्नाटक राज्यातील विविध भागात शनिवारी जोरदार पाऊस होण्याची शक्यता आहे. या पार्श्वभूमीवर हवामान खात्याने राज्यातील 11 जिल्ह्यांना 'यलो अलर्ट' दिला आहे. बेळगाव, कारवार, उडुपी, मंगळूर, शिमोगा, चिक्कमंगळूर, हासन, चित्रदुर्ग, तुमकूर, यादगिरी आणि रायचूर जिल्ह्यामध्ये मुसळधार पाऊस होण्याचा अंदाज हवामान खात्याने वर्तविला आहे.
या जिल्ह्यांमध्ये जोरदार पावसासह ताशी 40 ते 50 कि. मी. वेगाने वारे वाहण्याची शक्यता आहे. तर रविवारी देखील किनारपट्टी, मलनाड व उत्तर कर्नाटकातील 9 जिल्ह्यांत मुसळधार पावसाचा अंदाज आहे. बेंगळूरमध्ये पुढील दोन दिवस ढगाळ वातावरण राहणार असून तुरळक पावसाची शक्यता वर्तविण्यात आली आहे.