कोयना (ता. पाटण, @सातारा) : कोयना धरणात (Koyna Dam) आज (शुक्रवार) सकाळी 8 वाजता 81.19 टीएमसी पाणीसाठा झाला आहे. धरणातून सद्यस्थितीत सहा वक्र दवाजाच्या सांडव्यावरून 30000 क्यूसेक पाण्याचा विसर्ग सुरू आहे. पाणलोट क्षेत्रातील मुसळधार पावसामुळे धरणातील पाण्याच्या आवक्यामध्ये सातत्याने वाढ होत आहे. धरणाची पाणी पातळी नियंत्रित करण्यासाठी आज दुपारी 12 वाजता 6 वक्र दरवाजाच्या सांडव्यावरून सोडण्यात आलेल्या विसर्गात वाढ करून 40000 क्यूसेक विसर्ग सोडण्यात येणार आहे. धरणातील पाण्याच्या आवाक्यानुसार, तसेच त्यामध्ये वाढ करण्यात येणार आहे.

कोयना धरण पायथा विद्युत गृहामधील 2100 क्यूसेक विसर्गासह कोयना नदीमधील एकूण विसर्ग 42100 क्यूसेक होईल. कोयना नदीच्या पाणीपातळीत वाढ होणार असल्याने नदी पात्राजवळील नागरिकांना सतर्कतेचा इशारा सातारा जिल्हा प्रशासनाकडून देण्यात आला आहे.

1 cusec is equal to 28.317 litres per second