बेळगाव : कणबर्गी येथील निवासी घरकुल योजना क्रमांक 61 साठी अखेर बुडाने (बेळगाव नगरविकास प्राधिकरण) 127 कोटी रुपयांची निविदा मागवली आहे. अल्पावधीची ही योजना असून लवकरच प्रत्यक्ष कामाला सुरवात होणार आहे. त्यावर बुडा कार्यालयात मंगळवारी झालेल्या बैठकीत सविस्तर चर्चा करण्यात आली.
गेल्या अनेक वर्षांपासून रखडलेल्या बुडाच्या कणबर्गी योजनेच्या निविदा प्रक्रियेला गेल्या महिन्यात राज्यस्तरीय समितीने मंजुरी दिली होती. पण, निविदेत तांत्रिक चूक झाल्यामुळे ती पुन्हा बोलावण्यात आली. जीएसटीसह 127 कोटी रूपयांची निविदा बोलावण्यात आली आहे. निविदा दाखल करण्यासाठी 21 दिवसांची मुदत असून त्यानंतर लवकरच काम करण्यात येईल, असे यावेळी सांगण्यात आले.