बेळगाव : अपघातात जखमी झालेल्या हलगा (ता. बेळगाव) येथील प्रवीण अरुण मास्तमर्डी (34) या युवकाचे उपचारादरम्यान मंगळवारी निधन झाले. आठ दिवसांपूर्वी त्याचा अपघात झाला होता. बेळगाव येथील रुग्णालयात उपचार करण्यात येत होते. अकाली निधनाने हलगा येथील मास्तमर्डी कुटुंबियांवर दुःखाचा डोंगर कोसळला आहे. प्रवीण हा प्रगतशील शेतकरी होता. त्याच्या पश्चात आई-वडील, पत्नी, मुलगा, मुलगी, भाऊ, बहीण असा परिवार आहे.