भारतीय संघाला पहिल्या वन डे सामन्यात धक्कादायक पराभव पत्करावा लागला.186 धावांचा पाठलाग करताना बांगलादेशची अवस्था 9 बाद 136 धावा अशी झाली होती. आता सामना भारताचाच असे वाटले होते, परंतु मेहिदी हसनने अखेरच्या विकेटसोबत खिंड लढवली. मेहिदी व मुश्ताफिजूर यांनी दहाव्या विकेटसाठी वन डे क्रिकेटमधील सर्वोत्तम भागीदारी करताना बांगलादेशला ऐतिहासिक विजय मिळवून दिला. बांगलादेशने 1 विकेट राखून सामना जिंकला.भारतीय संघाची 80 टक्के मॅच फी कापलीपहिल्या वन डे सामन्यात भारताने षटकांचा वेग संथ राखला आणि निर्धारीत वेळेत षटकं पूर्ण न केल्यामुळे आयसीसीने त्यांच्यावर कारवाई केली. आयसीसीच्या मॅच रेफरीच्या एलिट पॅनलमधील रंजन मदुगाले यांनी या निर्णय घेतला. निर्धारित वेळेपेक्षा भारतीय संघ 4 षटकं मागे असल्याचे त्यांनी निदर्शनास आणले आणि आर्टिकल 2.22 नुसार भारताला 80 टक्के मॅच फी दंड म्हणून भरावी लागणार आहे.
शाकिब अल हसनने भारतीय फलंदाजांना नाक घासायला भाग पाडले. शाकिबची (5-36) कामगिरी ही भारताविरूद्ध वन डे क्रिकेटमधील डावखुऱ्या फिरकीपटूची सर्वोत्तम कामगिरी ठरली. इबादत होसैनने 4 विकेट्स घेतल्या आणि भारताचा डाव 186 धावांवर गुंडाळला. भारताकडून लोकेश राहुलने 70 चेंडूंत 5 चौकार व 4 षटकारांसह 73 धावा केल्या. प्रत्युत्तरात लिटन दास (41) वगळता आघाडीच्या फलंदाजांनी माना टाकल्या. 9 बाद 136 धावांवरून बांगलादेशचे पुनरागमन अशक्यच होते, परंतु मेहिदी हसन (38*) आणि मुस्ताफिजूर रहमना (10*) यांनी 51 धावांची विक्रमी भागीदारी केली.
