लाॅकडाऊनमध्ये गोवावेसवरून उद्यमबागकडे गो-मांस वाहतूक करणाऱ्या वाहनाची माहिती मिळाल्यानंतर गोरक्षकांनी टिळकवाडी पोलिसांना कळविले. त्यानंतर पोलिसांनी ते वाहन अडवून जप्त केले आहे. कोरोनामुळे लाॅकडाऊन असताना व सायंकाळी 7 नंतर वाहतुकीला परवानगी नसताना असताना अशा प्रकारे गो - मांसाची वाहतूक होत आहे.
उद्यमबागकडे टाटाएस गाडीतुन (KA 22 A 8149) यामधून गो-मांसची वाहतूकाची माहिती बजरंग दलच्या गोरक्षकांना समजताच त्यांनी टिळकवाडी पोलिसांना या घटनेची माहिती दिली. त्यानंतर पोलिसांनी सदर वाहन थांबवून जप्त करण्यात आले. याचबरोबर चालकावर कर्नाटक गोहत्या प्रतिबंधक कायदा अन्वये गुन्हा नोंदविण्यात आला आहे. या प्रकरणी सुनील अर्जुन गौराने (रा. गणपत गल्ली, मजगाव ) यांनी फिर्याद दिली आहे. टिळकवाडी पोलिसांनी वाहन जप्त केले असून चालकावर गुन्हा नोंदविला आहे.