कर्नाटक राज्याच्या श्वान पथकात 50 नव्या शोधक श्वानांचा समावेश करण्यात येणार असून हे 50 श्वान अडीच कोटी रुपयांना खरेदी करण्यात येत आहेत. याचाच अर्थ प्रत्येक श्वानाची किंमत 5 लाख रुपये इतकी आहे. या श्वानांना पोलिस विभागाचे अधिकारी प्रशिक्षण देतील. त्यानंतर त्यांचा पथकात समावेश करण्यात येईल.
कर्नाटक पोलिसांचे श्वान पथक अधिक सक्षम बनवण्याच्या उद्देशाने राज्य पोलिसांनी मोठा निर्णय घेतला आहे. त्यानुसार, आता राज्याच्या श्वान पथकात 50 नव्या शोधक श्वानांचा समावेश करण्यात येणार आहे. यासाठी तब्बल अडीच कोटी रुपये मोजावे लागणार आहेत.
शोधक श्वानांमुळे मदतीने स्फोटकांची ओळख आणि गुन्ह्यांची उकल करण्यात मोठी मदत मिळत असते. अशात पोलिस विभागाला आणखी सक्षमपणे आणि प्रभावीपणे काम करण्यासाठी अशा श्वानांची गरज आहे, असे कर्नाटक पोलिसांच्या अधिकाऱ्यांनी सांगितले.
महिला पोलिसांना मिळणार श्वान पथकाची मोठी जबाबदारीश्वान पथकाला अद्ययावत करण्याच्या दिशेने आणखी काही श्वानांची भर पडणार आहे, असे बेंगळुरूचे पोलिस आयुक्त भास्कर राव यांनी माहिती देताना सांगितले. त्यांची देखभाल आणि त्याच्या सोबत काम करण्यासाठी पोलिस विभाग महिला पोलिसांना जबाबदारी देण्याचा विचार करत असल्याचेही ते म्हणाले. तथापि, हा अजून प्रस्ताव असून लवकरच याबाबत निर्णय घेतला जाईल, असेही ते म्हणाले.