बेळगाव ता. अथणी : आढहळी गावात ग्रामपंचायत सभेत ग्रामपंचायत सदस्यास चप्पलाने मारहाण प्रकरणी ऐगळी पोलिसांनी एकास अटक केली आहे. याबाबत माहिती अशी की, आढहळी ग्रामपंचायत सभेत विकासकामांविषयी माहिती विचारताना ग्रामपंचायत सदस्य आणि वकील विजय कलमडी यांच्यावर सदस्य घटवाळाप्पा गुड्डापूर यांनी चप्पलफेक करून हल्ला केला.
त्यामुळे घटवाळाप्पा गुड्डापूर यांच्याविरोधात ऐगळी पोलिसात गुन्हा दाखल झाला असून शुक्रवारी (16 एप्रिल) त्याला अटक करून गोकाक कारागृहात रवानगी केली. विजय कलमडी हे वकील आहेत. त्यांच्यावर झालेल्या हल्लाप्रकरणी वकिलांनी न्यायालयाच्या कामकाजावर बहिष्कार घातला होता.