बेळगाव ता. खानापूर : खानापूर नगराध्यक्ष, उपनगराध्यक्ष निवडणुकीचा कार्यक्रम अखेर जाहीर झाला आहे. आता ही निवडणूक बुधवार 21 ऑक्टोबर रोजी होणार आहे.
सकाळी 10.30 ते 1 यावेळेत उमेदवारी अर्ज यानंतर लगेचच उमेदवारी अर्जाची छाननी व दुपारी 3 वाजता निवडणुकीसाठी मतदान होणार आहे. खानापूर नगराध्यक्षपद उपनगराध्यक्षपद अनुसूचित जमाती महिलेसाठी ठेवण्यात आले आहे.
खानापूर नगरपंचायतीची निवडणूक 31 ऑगस्ट 2018 रोजी झाली होती. तर निवडणूक निकाल 3 सप्टेंबर 2018 रोजी लागला होता. पण गेले 24 महिने वेगवेगळ्या कारणांमुळे नगराध्यक्ष, उपनगराध्यक्ष पदासाठी निवडणूक झाली नव्हती. निवडणूक जाहीर झाल्याने आता राजकीय हालचालींना वेग आला आहे.