बेळगाव—belgavkar : बेळगाव लोकसभा मतदारसंघाचे काँग्रेस उमेदवार मृणाल हेब्बाळकरांच्या प्रचारासाठी चित्रपटसृष्टीतील तारकांनी हजेरी लावून मृणाल हेब्बाळकरांना मतदान करण्याचे आवाहन केले. सौंदत्ती तालुक्यातील विविध गावांमध्ये काँग्रेस उमेदवार मृणाल हेब्बाळकर यांनी जोरदार प्रचार केला. यावेळी चित्रपट अभिनेत्री मेघा शेट्टी यांनी प्रचार करून मतदारांना आवाहन केले.

सौंदत्ती तालुक्यातील सत्तीगेरी गुडूनमॅगेरी, सोपडल आदी गावांमध्ये प्रचार करण्यात आला. यावेळी चित्रपट अभिनेत्री मौना, भव्य गौड आदींनी भाग घेतला होता. मृणाल हेब्बाळकर यांना बहुमताने निवडून देण्यात यावे, असे आवाहन करण्यात आले. यावेळी आमदार विश्वनाथ वैद्य यांच्यासह गावातील ज्येष्ठ नागरिक व कार्यकर्ते मोठ्या संख्येने उपस्थित होते.