बेळगाव : शुक्रवारी रात्री आठच्या सुमारास मुचंडी - मुतगा रोडवर अज्ञात वाहनाच्या धडकेत युवक ठार झाल्याची घटना घडली आहे. महेश महादेव अवाने (वय 27, रा. मुचंडी ) असे मृत युवकाचे नाव आहे. महेश हा मुचंडीहुन रात्री मुतगा येथे कामासाठी निघाला होता. समोरून निघालेल्या दुचाकीला मागून अज्ञात वाहनाने धडक दिल्याची शक्यता आहे.
या अपघातामध्ये महेश गंभीर जखमी झाला. त्याचा रुग्णालयात उपचार सुरू असताना मृत्यू झाला. मारिहाळ पोलिस स्थानकात या घटनेची नोंद झाली आहे. पोलिस निरीक्षक विजकुमार सिन्नूर पुढील तपास करत आहेत.