बेळगाव : गेल्या अनेक दिवसांपासून काँग्रेस रोडवर वाळलेल्या अवस्थेत भला मोठा वृक्ष रेल्वे रुळाच्या दिशेने कलला होता. सदर वृक्ष सोमवारी वनखात्याने हटवला. यासाठी फेसबुक फ्रेन्डस् सर्कलचे सहाय्य लाभले. काँग्रेस रोड अरुण थिएटर व एसबीआय बँकसमोर हा धोकादायक वृक्ष होता. या वृक्षाशेजारील रूळावरून रेल्वे धावताना वृक्ष एका बाजूला हलत होता. फेसबुक फ्रेन्डस् सर्कलचे संतोष दरेकर यांनी हा प्रकार पाहून लागलीच वनखात्याला माहिती दिली.
पोलिस , वनखात्याच्यामदतीने तातडीने सदर वृक्ष हटवण्यात आला. यासाठी वनखात्याचे मंजुनाथ शिगेहळ्ळी, रमेश बिरादार, पोलिस निरीक्षक जे. एम. कालीमिर्ची, आप्पाजी नरसिंगन्नवर, सिद्धय्या हिरेमठ यांचे सहकार्य लाभले.
