25 जून रोजी प्रसिद्ध मल्याळम अभिनेता एन डी प्रसाद त्याच्या घराबाहेर झाडाला लटकलेल्या अवस्थेत सापडल्याने एकच खळबळ माजली.  अभिनेत्याचा मृतदेह त्याच्या मुलांना सापडला, त्यानंतर मुलांनी शेजाऱ्यांना वडिलांच्या आत्महत्येची माहिती दिली. आता त्याच्या पश्चात पत्नी आणि दोन मुले असा परिवार आहे. लोकप्रिय मल्याळम अभिनेते एनडी प्रसाद (वय 43) हा 25 जून रोजी कोचीजवळील कलामासेरी येथे त्याच्या घराबाहेर झाडाला लटकलेल्या अवस्थेत आढळला. अभिनेत्याच्या मुलांनाच त्यांच्या वडिलांचा मृतदेह सापडला. त्यांनी प्रसादच्या आत्महत्येची माहिती शेजाऱ्यांना दिली, त्यांनी पोलिसांना माहिती दिली.

एनडी प्रसाद यांनी अनेक मल्याळम चित्रपटांमध्ये काम केले होते, परंतु अँक्शन हिरो बिजूमधील त्याच्या अभिनयाने त्यांना प्रसिद्धी मिळवून दिली. कौटुंबिक समस्यांमुळे प्रसादला आत्महत्या करण्यास प्रवृत्त केले, असे न्यू इंडियन एक्स्प्रेसमधील एका अहवालात म्हटले आहे. “तो काही मानसिक आणि घरगुती समस्यांमधून जात होता. त्याची पत्नीही काही महिन्यांपासून त्याच्यापासून दूर राहते. मृत्यूपूर्वी गेल्या काही दिवसांपासून तो नैराश्यात होता, असे एका पोलीस अधिकाऱ्याने सांगितले. प्रसादवर यापूर्वी अंमली पदार्थ सेवन केल्याचा आरोप होता. 2021 मध्ये उत्पादन शुल्क विभागाने प्रसादला सिंथेटिक ड्रग्स (2.5 ग्रॅम चरस तेल आणि 15 ग्रॅम गांजा) ताब्यात घेतल्याबद्दल अटक केली होती. याशिवाय त्याच्याकडून घातक शस्त्रेही जप्त करण्यात आली आहेत.