बेळगाव : भरधाव कंटेनरची मोटारसायकलला धडक बसल्याने एकजण ठार झाला. हा अपघात मुत्नाळ (ता. बेळगाव) येथील होईनहळ्ळा पुलाजवळ शुक्रवारी घडला. अपघाताची नोंद हिरेबागेवाडी पोलिस ठाण्यात झाली आहे. किरण अप्पय्या हिरेमठ (वय 24, हौसकुरगुंद ता. बैलहोंगल) असे अपघातात ठार झालेल्या तरुणाचे नाव आहे. तो मोटरसायकलवरून एम. के. हुबळीकडे जात होता. त्यावेळी कंटेनरची धडक बसून हा अपघात झाला.
कंटेनरचालक मौळेश रामाप्पा रानोजी (रा. एम. के. हुबळी) याच्यावर हिरेबागेवाडी पोलीस ठाण्यात गुन्हा दाखल झाला आहे. पोलिस निरीक्षक विजयकुमार सिन्नुर पुढील तपास करीत आहेत.