THE 6IXTY : क्रिकेट वेस्ट इंडिज आणि कॅरेबियन प्रीमिअर लीग (Caribbean Premier League ) यांनी क्रिकेट विश्वाला नवी लीग देण्याचा प्रयत्न केला आहे. CPL आणि CWI ने बुधवारी THE 6IXTY या नव्या लीगची घोषणा केली आहे. 60-60 चेंडूंच्या म्हणजेच 10 षटकांच्या या लीगचे नियम भन्नाट आहेत. ही लीग पुरुष व महिला अशा दोघांसाठी असून यात जगातील स्टार खेळाडूंना खेळताना पाहण्याची संधी क्रिकेट चाहत्यांना मिळणार आहे. T10 क्रिकेटमध्ये ही एक नवी क्रांती असल्याचे मत व्यक्त केले जात आहे.
या लीगचे नियम6 विकेट्स पडल्या तर संघ ऑल आऊट
2 षटकं पॉवर प्ले, तिसरा पॉवर प्ले अनलॉक करण्यासाठी पहिल्या 12 चेंडूंत किमान दोन षटकार मारणे आवश्यक
पॉवर प्लेचे हे तिसरे षटक संघ 3 ते 9 व्या षटकादरम्यान केव्हाही घेऊ शकतो
एका एंडने 30 चेंडू फेकली जाणार आणि पाच वेगवेगळ्या षटकांत हे 30 बॉल फेकावे लागतील
एक गोलंदाज 2 पेक्षा अधिक षटकं फेकू शकणार नाही.
निर्धारीत वेळेत संघाने षटकं पूर्ण न केल्यास क्षेत्ररक्षण करणाऱ्या खेळाडूंना अखेरच्या 6 चेंडूंसाठी मैदानाबाहेर करण्यात येईल.
24 ते 28 ऑगस्ट या कालावधीत सेंट किट्स व नेव्हिस येथे ही लीग खेळवण्यात येणार आहे.