बेळगाव : चिमुकल्या सर्वमला दुर्धर आजाराने झाला असताना त्याची निष्पाप लढाई सुरू आहे. जीवनाचा आनंद घेण्याआधीच निरागस सर्वमच्या उपचारासाठी करोडो रुपयेचा पैसा लागणार आहे हे समजल्यानंतर त्याची जगण्यासाठीची झुंज आणि दुसऱ्या बाजूला खर्चाचा महाकाय पर्वत अशी विपर्यस्त परिस्थिती निर्माण झाली. बेळगाव हे संवेदनशील गाव आहे. कुणाच्या घराची भिंत कोसळली तर बेळगावकरांचे खांदे तिथं दगड होऊन उभा रहातात. कुणाच्या घरातील धान्य संपले तर आपल्या ताटातील अर्धा वाटा त्या घरात जातो. कुणाच्या घरात अघटित घडलं तर बेळगावकर त्याच्या दारात हातचं काम टाकून उभा रहातो.
बेळगाव हे संवेदनशील माणसांचे गाव आहे हे वारंवार सिद्ध झालं आहे ज्या हातांनी राष्ट्रीय आपत्तीत मदत दिली. ज्या हातांनी छत्रपती शिवाजी महाराजांच्या 32 मण सिंहासनासाठी चिमूटभर वाटा उचलला त्याच बेळगावकरानी सर्वमच्या वेदना आपल्या समजल्या आणि हजारो हात मदतीचा पसा घेऊन पुढे धावले. याच पार्श्वभूमीवर वज्रनाद ढोल ताशा पथक या वर्षात जे वाजेल जे गाजेल तो पै न पैसा सर्वमच्या खर्चासाठी जाणार आहे. आता बेळगावकरनो ही टिपरी थांबली नाही पाहिजे. प्रत्येक कार्यक्रमात वज्रनाद वाजला पण पाहिजे आणि गाजला पण पाहिजे. हा सर्व पैसा सर्वमच्या उपचारासाठी पोहोचला पाहिजे. या ढोल पथकाने आता आपले श्रम लावलेत, आम्ही आता मन लावूया. प्रत्येक कार्यक्रमात दररोज कुठं ना कुठं गरज असो वा नसो हे वज्रनाद पथक वाजलचं पाहिजे आणि सर्वम च्या मदतीसाठी मदतीचा ओघ असाच चालू राहिला पाहिजे.
शहापूर (लक्ष्मी रोड) येथील एका चिमुकल्याला स्पायनल मस्कुलार अट्रॉफी (Spinal muscular atrophy एसएमए-1) नावाचा दुर्मिळ आजार झाला आहे. त्याच्यावर सध्या बंगळूर येथील बॅपटीस हॉस्पिटलात उपचार सुरु आहेत. मात्र, या आजारातून पुर्णपणे बरे होण्यासाठी सर्वम मंगेश बाळेकुंद्री (वय 1 वर्षे 4 महिने) या बाळाला सुमारे ₹ 16 कोटी रुपयांच्या इंजेक्शनची गरज आहे.
त्याला झालेल्या आजारावरील उपचार अत्यंत महागडा असून त्यातील एका इंजेक्शनची किंमत तब्बल 16 कोटी रुपये आहे.
Account Name - SARVAM M BALEKUNDRI
Account No. - 50100455282652
IFSC Code - HDFC0009529
Branch - SHAHAPUR BELGAUM तुम्ही ही मदत करू शकता.
अधिकृत संपर्क क्रमांक : 78997 75977 Phone Pe, Google Pay
हे इंजेक्शन फक्त यूएसमध्ये मिळते. त्या इंजेक्शनवर इम्पोर्ट ड्युटी लावली तर त्याची किंमत ही तब्बल 20 कोटी रुपयापेक्षाही जास्त होणार आहे. उपचार करण्यासाठी एवढा सारा खर्च करणे अशक्य असल्यामुळे मदतीची गरज आहे. सर्वमला जन्मापासूनच या आजाराने घेरले आहे. सुरुवातीचे सहा महिने त्याला कोणताही त्रास झाला नाही. मात्र, त्यानंतर त्रास होऊ लागला. त्यावेळी हात-पाय न हलविणे तसेच मानेची समस्या येऊ लागली. यासाठी बेळगाव शहरातील बहुतांशी बालरोग तज्ज्ञांकडे त्यांनी उपचार घेतले. त्यावेळी एमआरआय स्नॅनिंगमधूनही त्याच्या दुर्मिळ आजाराचे निदान झाले नाही.
यावेळी रक्ताचे नमुने हैद्राबादला पाठवून देण्यात आले. त्यानंतर या दुर्मिळ आजाराची माहिती त्यांना मिळाली. तरीही यावर त्यांचा विश्वास बसला नाही. पुन्हा पुण्यात त्यांनी यावर उपचार घेतले व त्यावेळी पुन्हा रक्ताचे नमुने बंगळूरला पाठवून देण्यात आले. त्यावेळी पुन्हा तोच आजार असल्याची माहिती त्यांना डॉक्टरांनी दिली. हा दुर्मिळ आजार असल्याची माहिती दिली. तसेच येत्या सहा महिन्यात जोलगेन्स्मा नावाचे 16 कोटी रुपयांचे इंजेक्शन देण्याची माहिती डॉक्टरांनी दिली आहे. त्याच्या वडीलांची परिस्थिती हालाखीची असल्याने इतक्या मोठ्या रकमेचे इंजेक्शन तात्काळ उपलब्धन करून देणे न परवडणारे आहे. सध्या बंगळूर येथे त्याच्यावर उपचार सुरु असून हे इंजेक्शन परदेशातून मागून घ्यावे लागणार आहे. सध्या सर्वम वरचेवर आजारी पडत आहे. जेवताना व बसताना त्यांना त्रास होत आहे. सध्या त्याला स्टीमद्वारे उपचार देण्याची सुचना बालरोगतज्ज्ञांनी केली आहे. त्यानुसार घरात त्याच्यावर उपचार सुरु आहेत.